අනුර Hit Wicket වෙයිද,Run Out වෙයිද..?

ඇමරිකානු ජනාධිපති ඩොනල්ඩ් ට්‍රම්ප් පහුගිය අප්‍රියෙල් මාසේ අපිට පනවපු 44%ක තීරු බද්ධ දින 90ක කාලයකට අත්හිටෙව්වා. ලෝකයේ රටවල් ගණනාවකට විවිධ පදනමින් පනවලා තිබුණ තීරු බදු මේ විදිහකට දින 90කට අත් හිටවන්න ට්‍රම්ප් තීරණය කළේ ඇත්තටම ඒ රටවල් එක්ක ඩීල් එකකට යන්න.ඒ දින 90ක කාලය ඇතුලේ ඒ ඒ රටවල් ඇමරිකාවේ රාජ්‍ය දෙපාර්තමේන්තුවත් එක්ක තීරුබදු අඩුකර ගැනීමට අදාල සාකච්ඡා කළා.ට්‍රම්ප් අපට ලබාදුන්න දින 90ක කාලය පහුගිය ජූලි 09 වෙනිදායින් අවසන් වුනා.

අපේ රටේ නියෝජ්‍ය මුදල් ඇමතිවරයා ප්‍රමුඛ කණ්‌ඩායමක් අපිට පණවලා තියෙන තීරු බදු අඩුකර ගැනීමට අදාල සාකච්ඡා ගණනාවක් ඇමරිකාව එක්ක කරලා තිබුණා.පලාත් පාලන මැතිවරණයේ ඉඳන්ම ඒ ගැන ආණ්ඩුව පැත්තෙන් කියපු සුරංගනා කතා ඔයාලට මතක ඇති.අනුර මැතිවරණ වේදිකාවේදී කිව්වේ ඇමරිකාව සහ ශ්‍රී ලංකාව අතර එකඟතාවයකට ඇවිත් තියනවා, රටවල් දෙක විසින් ඒකාබද්ධ නිවේදනයක් ඉතාමත්ම කෙටි කාලයක් ඇතුලත නිකුත් කරන්න ආසන්නයි කියලා.

ඒ ඒකාබද්ධ නිවේදනය එනකම් බලා හිටිය අපට හම්බවුනේ අනුර අරුණ කරලා රටත් කලා නමත් කාලා එවපු ලියුමක්.මුදල් නියෝජ්‍ය ඇමති අනිල් ජයන්ත,වෙළඳ ඇමති වසන්ත සමරසිංහ කිව්වේ Green Light එක පත්තුවෙන්න ඔන්න මෙන්න කියලයි. හැබැයි දැන් මේ ආණ්ඩුවේ නියෝජ්‍ය විදේශ ඇමතිගේ සහ මුදල් අමාත්‍යාංශ ලේකම්ගේ ප්‍රකාශවලින් එයාලා හදන්නේ පත්තුවෙලා තියන්නේ Red Light එකක් උනත් ඒක Green Light එකක් කරලා රටට පෙන්නන්න.මොකද අනිල් ජයන්තලා ඇමරිකාවේ ගිහින් ගෙනත් තියන ප්‍රථිපලය මේක.

මේක මාර රාජ්‍ය තාන්ත්‍රික ජයග්‍රහණයක් කියලා දැන් පෙන්නන්න හදනවා.ඔයාලා දන්නවා ඩෙනල්ඩ් ට්‍රම්ප් තීරු බදු ප්‍රහාරය එල්ල කරනකොටම ලෝකයේ ගොඩක් රටවල් ක්‍රියත්මක වුනා.චීනය වගේ රටවල් ප්‍රශ්නය බේරගත්තේ ඇමරිකන් තීරු බදුවලට ප්‍රති බදු පනවලා.ඒ කියන්නේ ප්‍රහාරයට ප්‍රහාරයෙන්.ලෝකයේ දෙවෙනි ආර්ථික බලවතා විදිහට චීනයට ඒ හැකියාව තිබ්බා.ඒ ප්‍රහාරයේ ප්‍රතිඵලයක් විදිහට චීනයට සහ ඇමරිකාවට යම් එකඟතාවලට එන්න සිද්ධවුනා.

ඊට අමතරව ලෝකයේම බොහෝම රටවල් කළේ ට්‍රම්ප්ගේ තීරු බදු ප්‍රහාරය ආරම්භ කරනවාත් එක්ක ඇමරිකවෙන් ඒ රටවලට කරන ආනයනවල තීරු බදු අඩු කරමින් ඇමරිකා රාජ්‍ය දෙපාර්තමේන්තුව සමඟ සාකච්ඡා කිරීමයි.ඇත්තටම ගොඩක් රටවල් ඇමරිකාව එක්ක වෙළඳ ඩීල් දාගත්තා.ඒ ඩීල්වල ප්‍රතිපල ඉන්දියාව,වියට්නාමය වගේ රටවල් අරගෙන තියනවා.මේ ප්‍රශ්නය ආපු වෙලාවේ මේ සම්බන්ධව සාකච්ඡා කරන්න අනුර පක්ෂ නායක රැස්වීමක් කැදෙව්වා.

එතනදී විපක්ෂයේ ආර්ථික වේශේෂඥයින් දෙන්නා වන රවී කරුණානායක සහ හර්ෂද සිල්වා අපි ඇමරිකාව එක්ක negotiate කරන්න ඕනි විදිහ පවා අවධාරණය කළා.කොහොම උනත් ආණ්ඩුවේ උත්සාහයට අනුව ලැබුණු ප්‍රතිපල තමයී මේක.ඒක වියට්නාමයට සාපේක්ෂව හිතද්දී ඉතා දුර්වල ප්‍රතිපලයක්. බංගලිදේශයට සාපේක්ෂව හිතුවොත් සතුටු දායක එකක්. වියටිනාමයට tariff එක 20% වෙද්දී බංගලිදේශයට 35%ක් වුනා. ඇත්තට අපටත් 20% ගන්න පුළුවන් උනා නං ටිකක් හරි චාන්ස් එකක් තියනවා.

රටේ රාළ කියන්නේ මේක බාර අරගෙන ඇමරිකාව එක්ක දිගටම මේ සංවාදය ගෙනිහින් තව 10% ක් අඩු කරගන්න ඕනි කියලයි. මෙතනදී මේ ආණ්ඩුව හදන්න දායක උන ආචාර්ය නිර්මාල් රංජිත් දේවසිරි කියපු කතාවක් මතක් වුනා.නිර්මාල් කිව්වේ මේ ආණ්ඩුවේ ඉන්න අයට කැපෑසිටි නෑ කියලයි.ඇත්තටම රාජ්‍ය තාන්ත්‍රික stage එකේදි අපි සම්පුර්ණයෙන්ම ෆේල්.කොහොම උනත් මේ ප්‍රතිඑලයෙන් අපට අත්වෙන ඉරණම ගැන අනතුරු අඟවලා තියන එක අපේ යුතුකමක්.

මේ ආණ්ඩුවේ ඉන්නේ ඔරුව පෙරළුණාට පස්සේ පෙරලුණ පිට හොඳයි කියන නායකයෝ.මේ තත්වය ඇමරිකාවට යන අපේ අපනයනවල ඉතා අහිතකර විදිහට බලපානවා.අපේ අපනයන භාණ්ඩත් එක්ක ඉන්න වෙනත් රටවල සැපයුම්කරුවන් එක්ක ඇතිවෙන තරගයේදී අපි ඉතාමත්ම දුෂ්කර තැනකට වැටෙනවා. විශේෂයෙන්ම ඉන්දියාව,චීනය,වියට්නාමය වගේ රටවලට අපිට වඩා අඩු තීරු බදු අනුපාත හම්බවෙලා තියනවා.

අපට සමාන උනත් එයාලා ඒවාට අවශ්‍ය අමුද්‍රව්‍ය ඒ රටවල්වලින්ම සපයා ගන්නා හින්දා ඇමරිකානු වෙළඳපළේ අපේ භාණ්ඩවල මිලට වඩා පහලින් මිල තියාගන්න එයාලට පුළුවන්. මිල අධික අපේ භාණ්ඩවලට තියන ඉල්ලුම පහත වැටෙන එක නවත්තන්න බෑ.ඇමරිකානු ආර්ථිකයේ ඇතිවෙලා තියන උද්ධමනකාරී තත්ත්වයත් එක්ක ඇමරිකානු පාරිභෝගිකයා එතෙන්න වැටෙනවා.ඒ හරහා විශේෂයෙන්ම අපේ ඇඟළුම්වලට තියෙන ඉල්ලුම ක්ෂණික කඩා වැටෙන්න පුළුවන්.ඒ වෙළඳපොල වියට්නාමය වගේ රටක් අතට පත්වෙන්න පුළුවන්. 

ඇත්තටම අපේ ඇඟළුම් කර්මාන්තයට අධි අවධානමක් තියනවා.මේ තත්වය ගැන අවධානය යොමු නොකරන මේ තක්කඩි ආණ්ඩුව.ඒ අවධානමට අවශ්‍ය  à·ƒà·”දානම නොකර මේ ආණ්ඩුව තවමත් බයිලා ගහමින් ඉන්නවා.රටේ රාළට තේරෙන විදිහට නම් අපේ ඇඟළුම් කර්මාන්තය බරපතල අනතුරක් ළඟ ඉන්නවා.විශාල ප්‍රමාණයකගේ රැකියා අහිමිවිමේ අවධානමක් තියනවා.ඒ අවධානම මැද්දෙත් මේ ආණ්ඩුවේ බයිලා අහගෙන මාලිමා ඩෝබිලා තවමත් ලැජ්ජා නැතිව රෙදි අපුල්ලනවා.

හරි එහෙනම් ගිහින් එන්නම්,

ජය වේවා.. !

මීට,

රටේ රාළ.